БИДНИЙ ТУХАЙ
Гурвансайхан ХХК-д 30 жил ажилласан Ерөнхий Геологич А.С Будунов
Гурвансайхантай ХХК-д ажилласан 30 жилийн хугацаанд бидний хариуцлага, шинэ санаа, шударга үнэн байдал, аюулгүй ажиллагаа, тогтвортой хамтын ажиллагаа нь цацраг идэвхт ашигт малтмал ураны салбарт өөрчлөлтийг бий болгосоор ирснийг харлаа. Эдгээр үнэт зүйлсэд үнэнч зүтгэсээр ирсэн нь бидний амжилтыг ахиулж, Монгол Улсын хувьд ураны салбарын тогтвортой хөгжлийг дэмжихэд хувь нэмрээ оруулсаар ирсэн.
Александр Будунов
Гурвансайхан ХХК
Бидний түүх
1994
Монгол улсын говийн бүсэд ураны хайгуул олборлолтын ажлыг эрхлэх үндсэн зорилго бүхий Монгол-Орос-Америкийн (хамтарсан) “Гурвансайхан” компани анх байгуулагдсан
1997
“Денисон Майнис” ХХК нь Energy Fuels компаниас “Гурвансайхан” дахь АНУ-ын хувьцааг худалдан авч Хайрхан, Чойр, Өлзийт зэрэг газруудад хайгуулын ажлыг хийж эхэлсэн
2008-2011
Хайрхан, Хараат, Гурвансайхан, Өлзийтийн хайгуулын талбайн нөөцийг захирал Б.Бат-Очир, ерөнхий геологи А.С Будунов нараар ахлуулсан баг Эрдэс баялгийн мэргэжлийн зөвлөлд танилцуулж Монгол улсад анхны ураны гидрогени төрлийн ордын нөөцийг батлуулж хүлээлгэн өгсөн
2012
2012 оны 11 дүгээр сарын 16-ны өдөр Монгол Улсын Цөмийн энергийн газар, Бүгд Найрамдах Чех Улсын “Үйлдвэр, худалдааны яам” хоорондын хамтын ажиллагааны хэлэлцээрт талууд гарын үсэг зурсан
2015
“Гурвансайхан” ХХК-ийн Америкийн талын хувийг БНЧех улсын “Уран индастри” компанид шилжүүлсэн. Ураниум Индастри ХК болон Мон-Атом ХХК нар 2015 оны 6-р сарын 12-ны өдөр Хувь нийлүүлэгчдийн гэрээнд гарын үсэг зурсан
2016
Ашигт малтмал, газрын тосны газраас Хайрхан, Хараат, Гурвансайхан, Өлзийт ордуудыг ашиглах тусгай зөвшөөрөл олгож, орд ашиглах гэрээг байгуулсан
2017
Хайрханы ордын туршилтын үйлдвэрийн Техник-Эдийн засгийн үндэслэлийг олон улсын стандартын дагуу хийлгэхээр Казакстан улсын Казатомпром компанийн Өндөр технологийн институттай хамтран ажиллах гэрээ байгуулсан
2022
Хайрхан орд дээр нөөц өсгөх нарийвчилсан хайгуулын ажил явагдаж эхэлсэн
Ураны төсөл дээрх Засгийн газрын дэмжлэг
Чех-Монголын Засгийн газар хоорондын дэмжлэг
- 2012 оны 12 дугаар сарын 19-ний өдөр Бүгд Найрамдах Чех Улсын Үйлдвэр, худалдааны яам болон Монгол Улсын Цөмийн энергийн газар нар цөмийн технологи, ураны хүдрийн салбарт харилцан ойлголцлын санамж бичигт гарын үсэг зурсан
- Санамж бичгийн хүрээнд Монгол Улсын нутаг дэвсгэрт цацраг идэвхт бодисын хайгуул, олборлолт, боловсруулалтын чиглэлийг голлон тусгасан
- Чех-Монголын Засгийн газар хоорондын ажлын хорооны протоколоор Ураны үйлдвэрийн төслийг дэмжихээ баталгаажуулсан
- 2013 онд Монгол Улсын төрийн байгууллагууд, тэр дундаа Улсын Их Хурал, Төрийн өмчийн хороо нь Ураниум Индастри ХК болон Мон-Атом ХХК-ийн хамтарсан төслийг бүрэн дэмжихийг зөвшөөрсөн
Чех, Казахстаны Засгийн газар хоорондын дэмжлэг
- 2016 оны 12 сард Ураниум Индастри ХК болон Казахстаны Казатомпром компани нар харилцан ойлголцлын санамж бичигт гарын үсэг зурсан
- Чех-Казахстаны Засгийн газар хоорондын комиссын протоколд Казатомпром компанитай хамтран ажиллах нь тэргүүлэх ач холбогдолтой төсөл гэж онцлон тэмдэглэсэн байдаг
- Уг хамтын ажиллагаанд геологи, уул уурхай, дараагийн боловсруулалтын салбарт хамтран ажиллахыг хамааруулсан
- Мөн уг хамтын ажиллагаа нь бүтэн цөмийн циклтэй холбоотой үйл ажиллагааны цар хүрээг хамруулж байгаа юм
Хамтарсан үйлдвэрийн стратегийн гэрээ хэлцлүүд
- Ураниум Индастри ХК, Денисон Майнис ХХК, болон Монгол Улсын Цөмийн энергийн комиссын хооронд байгуулсан гурван талт санамж бичгийн хүрээнд Гурвансайхан ХХК-ийн хувьцааг худалдан авах хэлэлцээр хийгдсэн
- Монгол Улсын төрийн байгууллагуудын 2013 оны хурлаар хамтарсан компани байгуулах төслийг Монгол Улсын Ерөнхий сайд, Үндэсний аюулгүй байдлын зөвлөлөөр батлуулсан
- Ураниум Индастри ХК, Мон-Атом ХХК-ийн хамтарсан үйлдвэрийг Монголын төрийн байгууллагууд тасралтгүй дэмжиж ирсэн
- Уг стратегийн хэлэлцээрүүд нь Монгол, Казахстаны ураны үйлдвэрлэл, үйл ажиллагааны чадавхийг өргөжүүлэхэд дэмжлэг үзүүлдэг